Një ngjarje e rëndë ka ndodhur pasditen e djeshme në Itali, ku një fëmijë 1 vjeç me origjinë shqiptare është sulmuar për vdekje nga dy qen të rracës pitbull.
Ngjarja ka ndodhur në komunën Flero, në krahinën e Brescia, ndërsa vogëlushja, identiteti i të cilës nuk bëhet i ditur, po luante në oborrin e shtëpisë së gjyshit kur u sulmua nga qentë.
Mediat vendase raportojnë se vogëlushja ishte vajza e një shqiptari dhe një gruaje me origjinë italiane.
Gjyshi i saj një 63-vjeçar, pronar i kafshëve është përpjekur ta shpëtojë mbesën, por nuk ka mundur dot, pasi vogëlushja ka humbur jetën si pasojë e kafshimeve.
Në vendngjarje ka mbërritur policia e cila ka nisur hetimet për zbardhjen e plotë të ngjarjes. /tesheshi.com/
