Ian Thomas, një 39 vjeçar anglez është një hero i vërtetë. Ai i ka shpëtuar jetën vajzës së tij të vogël, 4-vjeçares Jacinta, e cila ishte duke u mbytur në pishinën e shtëpisë.
Ngjarja ka ndodhur në Whitstable, në Mbretërinë e Bashkuar. Siç raporton Mirror, Ian ka hyrë në banesë dhe nuk e ka parë të bijën që ishte gati për tu hedhur në pishinën që ndodhej rreth 10 metra larg banesës, pa kamerdaren e shpëtimit.
Ndërsa ishte duke hyrë në shtëpi, Ian mori një telefonatë, e cila e shpërqendroi për rreth 5 minuta. Vajza, pa e parë i ati dhe asnjë person tjetër që ndodhej në shtëpi, u hodh në pushin, pa kamerdaren, ndaj rrezikonte të mbytej.
Kur Ian vuri re se çfarë kishte ndodhur, vrapoi në pushin ku gjeti të bijën, Jacinta me fytyrën në ujë dhe tërësisht pa ndjenja. Vajza dukej si e pajetë dhe me buzët e nxira. Duke e parë veten në një gjendje të keqe, pa bërë asnjë kurs për dhënien e ndihmës së shpejtë, ai nisi t’i bëjë frymëmarrje artificiale.
Dhe pati rezultat: arriti ta rikthejë të bijën në jetë. “Është me të vërtetë një mrekulli. Ndoshta jam inspiruar nga telefilmat me aksion. Në rastet e dëshpërimit të gjithëve na vijnë fuqitë”,- thotë Ian. Vajza kaloi një javë në terapi intensive por më në fund arriti të shpëtonte./tesheshi.com/
