Bëhet fjalë për një pyetje që gjatë orëve të fundit, mjaft analistë, komentatorë dhe qytetarë nuk ndalin së bëri: ekziston një lidhje mes ngjarjes në Paris dhe imigracionit klandestin? Rrjeti ndërkombëtar i terrorit, rrugët dhe kalimet e përdorura nga terroristët për të mbajtur lidhjet mes tyre në qytetet e ndryshme dhe rrugë-kalimt e emigrantëve, janë të njëjta?
Bëhet fjalë për një pyetje e cila ka marrë një përgjigje dhe që lidhet me atë të qeverisë polake. “Polonia nuk do të pranojë më planin e Bashkimit Europian në lidhje me pritjen e emigrantëve”,- ka deklaruar kreu i të djathtës polake Beata Szydlo. Është një vendim i marrë tashmë dhe që nuk dihet nëse do të kthehet pas.
Mjafton të kthehemi një javë pas në kohë, jo në Paris po në Bavari, mes Monakos dhe Salsburgut, në një nga autostradat kryesore në qendër të Europës. Një makinë që vinte nga Mali i Zi drejt kryeqytetit francez u ndalua nga policia gjermane. Në bordin e saj ndodhej një burrë rreth 51 vjeç. Në bagazhin e makinës u gjend një arsenal i vogël armësh: një kallashnikov, bomba dore dhe eksploziv. Burri i ndaluar u çua në kazermë, ku edhe u morr në pyetje. Të nesërmen e asaj dite, presidenti i Bavarisë, Horst Seehofer u shpreh: “Në kuadër të luftës kundër trafikut ilegal të të arratisurve, kemi arrestuar një burrë, i cili dyshohet të jetë terrorist”./tesheshi.com/
