Në dallim nga futbollistët e Real Madrid dhe Manchester United, të cilët janë të izoluar në prag të ndeshjes së Superkupës e cila pritet të zhvillohet sot në ora 20:45, rrugët e Shkupit janë të stërmbushura me tifozë nga të dyja klubet.
Njëri prej tyre që tërhoqi vëmendjen e qytetarëve ishte edhe ish-trajneri i Manchester United dhe legjendë e klubit, por edhe e futbollit botëror, Sër Aleks Ferguson.
Ai sot ka shfrytëzuar kohën e tij të lirë që të shëtiste në Shkup, ndërsa pasdite ka vizituar edhe Çarshinë e vjetër.
Skocezi gjatë një organizimi të Federatës së Futbollit të Maqedonisë ka takuar edhe kryeministrin e shtetit, Zoran Zaev dhe kryetarin e Kuvendit, Talat Xhaferi. /tesheshi.com/
