Ajo që gjithnjë ëshët dyshuar, se serbët vetë mund të kenë patur gisht në meselenë e dronit të lëshuar gjatë ndeshjes mes Serbisë dhe Shqipërisë në stadiumin “Partizani” të Beogradit, këtu e dy vjet të shkuara, është konfirmuar – por vetëm në formën e një bindjeje – nga Tomislav Karaxhiç, ish- president i federatës serbe së futbollit.
“Nuk mundet dikush të vijë nga Shqipëria në Beograd, të ngjitet në majë të kishës, të lëshojë dronin, e për këtë askush të mos dijë gjë. Nuk ka asnjë dyshim për këtë. Është diçka e pabesueshme”, ka thënë ish-zyrtari i lartë i futbollit serb për të përditshmen e Beogradit Informer, sipas së cilit edhe incidentet në Xhenova, pra në ndeshjen Itali – Serbi, janë gatuar nga e njëjta kuzhinë.
Karaxhiç ka shprehur bindjen se në të dyja rastet, kanë gisht serbët. Sa për “ballistin”, pra Ismail Morinën, autorin pra të lëshimit të dronit, ai ka thënë se mund të jetë një hallkë e asaj që serbët vetë e kanë gatuar.
Në fakt, në gjithë historinë e dronit, nuk është sqaruar se kujt i ka shkuar në mendje sajesa e një flamuri me mbishkrimin në trajtë latine “authoctonus”, ku dhe Korfuzi përfshihej në trojet etnike shqiptare! Intelekti i ballistit nuk para të bind për këtë. /tesheshi.com/
