Ish-aktorja egjiptiane Hala Shiha është bërë viktima e fundit e mediave sociale, e cila është sulmuar pasi kishte postuar foton e parë të saj me nikab.
Shiha braktisi karrierën e saj vite më parë për arsye fetare. Që nga ajo kohë, ajo u prezantua para audiencës si një grua që mban shami ose hixhab.
Por këtë javë, ish-aktorja ka postuar për herë të parë një foto të saj duke mbajtur një vello fytyre në një llogari të Facebook-ut që i atribuohet asaj.
Megjithatë, komentet në mediat sociale sulmuan në mënyrë agresive Shihan për shkak se po e shohin atë në një nikab, në vend të hixhabit. Disa përdorues filluan ta thërrasin atë “një qese plehrash”, ndërsa të tjerët filluan të tallen me të, duke thënë se nuk ishin të sigurt për identitetin e saj, duke pasur parasysh se fytyra e saj ishte e mbuluar.
Por Shiha u përgjigj me qetësi ndaj gjitha këtyre kritikave dhe ofendimeve, duke kërkuar prej të gjithëve që të mos përhapnin urrejtje në faqen e saj.
Fillimisht, Shiha nuk u zhduk nga bota e filmit menjëherë pas veshjes së mbulesës islame. Ajo mori pjesë në filmin e saj “Kamil El Awsaf” (Tiparet e përsosura), në të cilin shfaqet në hixhab.
Megjithatë, më vonë u raportua se ajo u largua nga Egjipti për në Shtetet e Bashkuara, ku u martua me një perëndimor dhe tash punon si predikuese islame.
Shiha ka reaguar ndaj mediave sociale disa javë pasi një tjetër aktore egjiptiane, Nelly Karim, ishte “turpëruar” pse kishte veshur bikini në plazh. /tesheshi.com/
