Ai ndërtoi një mur, ndërsa ata hapën vrima në të – emigrantët dhe kontrabandistët kanë qenë të suksesshëm në “thyerjen” e një muri kufitar “praktikisht të padepërtueshëm” duke përdorur mjete që mund të blihen për më pak se 100 dollarë në dyqanet e pajisjeve, i thanë agjentët e kufirit dhe zyrtarët për Washington Post.
Zyrtarët e administratës Trump kanë pranuar se janë të vetëdijshëm për “disa raste” kur trafikantët ishin në gjendje të çajnë pjesë të murit prej 10 miliardë dollarësh të Trump-it me Meksikën.
Sharra me gjerësi të disponueshme mund të shkurtojnë kolonat në pak minuta. Pas kësaj, panelet prej 9 metrash mund të shtyhen me lehtësi, në mënyrë që njerëzit të kalojnë.
Shumica e vendkalimeve të paligjshme kufitare përmes vrimave në mur ishin në zonën San Diego të Kalifornisë jugore, raportoi gazeta.
Rojet kufitare të kaluara dhe ato të tanishme insistojnë që seksione të reja të murit janë më të vështira për t’u prerë se më parë.
Ata ia atribuojnë prerjen e suksesshme të murit “inovacionit” të vazhdueshëm të bandave të kontrabandës, të cilat po bëjnë miliarda dollarë duke sjellë imigrantë pa dokumente në SHBA. /tesheshi.com/
