Irani ka ekzekutuar Ruhollah Zam, një gazetar i akuzuar për frymëzimin e protestave në të gjithë vendin gjatë vitit 2017 me artikujt e tij në internet.
Zam u ekzekutua herët në mëngjes të shtunën, njoftoi televizioni shtetëror iranian, agjencia shtetërore e lajmeve IRNA dhe agjencia e lajmeve Nour.
Ekzekutimi u krye në rrethana misterioze, sipas agjencive botërore.
Një gjykatë iraniane dënoi Zam-in me vdekje në qershor për atë që ata thanë se ishte “duke shkaktuar trazira në vend”.
Kjo akuzë përdoret shpesh në rastet e dyshuara të përfshirjes së spiunazhit ose përpjekjeve për të përmbysur qeverinë iraniane.
Reporterët pa Kufij (RSF) ka theksuar më parë se gjyqi kundër Zam ishte “jashtëzakonisht i padrejtë”.
Zam, i cili u arrestua në 2019, pas viteve të internimit, u ekzekutua katër ditë pasi Gjykata e Lartë e Iranit la në fuqi dënimin e tij me vdekje, të dhënë më parë nga Gjykata Revolucionare.
Ruhollah Zam është djali i imamit shiit Mohammad Ali Zam, një reformist i cili ishte në qeveri në fillim të viteve 1980.
Mohammad Ali Zam mohoi publikisht mbështetjen për djalin e tij pas akuzave nga qeveria në Teheran. /tesheshi.com/
