Parlamenti i administratës rajonale kurde në Irakun e veriut, me shumicë votash, vendosi për mbajtjen e një referendumi.
Vendimi u mbështet nga të 65 anëtarët e pranishëm të parlamentit, nga 111 që janë në tërësi.
Parlamenti mandatoi Komisionin Zgjedhor dhe Komisionin e Referendumit për të kryer proçedurat e nevojshme, në mënyrë që referendumi të mbahet në kohë.
Lëvizja opozitare Goran, Partia e Shoqërisë Islamike, Lëvizja Islamike, Fronti Turkmen i Irakut dhe Partia Demokratike Kristiane bojkotuan seancën, për shkak të moszgjedhjes së krizës politike dhe mungesës së konsensusit para referendumit.
Birzo Mejid, zëvendëskryetar i klubit të deputetëve, Lëvizja Goran, u tha gazetarëve se seanca nuk ishte në përputhje me ligjin.
Një deputet i Frontit Turkmen Aydin Maruf tha se ishte e nevojshme të diskutohej për çështje të tjera përpara çështjes së referendumit.
“Ne vendosëm të mos merrnim pjesë në një seancë derisa të arrihet një konsensus,” tha Maruf.
Autoritetet e administratës rajonale kurde në Irakun e veriut njoftuan mbajtjen e një referendumi mbi pavarësinë më 25 shtator, por u ndaluan nga Parlamenti dhe Qeveria e Irakut. /tesheshi.com/
