Investitorët e huaj: Ja kërkesat tona ndaj qeverisë “Mustafa”

Pas takimit që kanë pasur me Kryeministrin Kosovës si dhe ministrat e linjës, Këshilli i Investitorëve Evropian (KIE) i ka bërë thirrje Qeverisë së Kosovës, ministrive relevante si dhe institucioneve të pavarura që të trajtojnë me prioritet dhe urgjencë problemet e sektorit privat pasi që çdo vonesë apo anashkalim në këtë drejtim ka ndikim negativ të drejtpërdrejt në koston e bizneseve dhe në zhvillimin ekonomik të vendit.
“Bizneset vendore si dhe Investitorët e huaj tanimë ballafaqohen me një mori probleme të cilat janë ngritur edhe më herët tek ministritë e linjës dhe institucionet e pavarura por mungon reagimi konkret për të përmirësuar këtë gjendje, dhe si rezultat këto vonesa po krijojnë telashe në vazhdimësi dhe po krijojnë një imazh negativ për investime te reja të cilat janë shumë të nevojshme” është shprehur Shpend Balija, Drejtori ekzekutiv i Këshillit të Investitorëve Evropian.
Në këtë drejtim Këshilli i Investitorëve Evropian (KIE),  ka kërkuar që takimet për përmirësimin e ambientit të biznesit mos të ngelin vetëm si dialog formal apo simbolik por çështjet konkrete të trajtohen me një dinamikë më të përshpejtuar.
Gjatë diskutimit me Kryeministrin e Kosovës, KIE ka prezantuar sfidat e sektorit privat dhe ka kërkuar që me ligjin për naftën dhe produkte të naftës të lirohen nga dogana dhe TVSH-ja, produktet e humbura gjatë transportit dhe ruajtjes. Po ashtu, KIE ka kërkuar që Komisioni i Pavarur për media (KPM) të zbatojë mandatin e tij.
Në anën tjetër, KIE ka kërkuar që Komisioni për Miniera dhe Minerale (KPMM) të shërbej si one-stop-shop për Licencat Minerare dhe të eliminoj ambiguitetet dhe jo-efficiencen e cila dëmton rëndë bizneset në këtë veprimtari./tesheshi.com/