Debati për Bashkimin e Komunave me shumicë serbe në Kosovë (ZSO) do të mbahet në ambasadën amerikane në Prishtinë të martën e ardhshme, konfirmuan të martën ambasada.
Siç raportohet, diskutimi do të mbahet të martën, më 31 janar në ora 10:00, ku në takim janë ftuar liderë të shoqërisë civile, zyrtarë qeveritarë, liderë politikë dhe diplomatë.
“Ftojmë një grup të ndryshëm liderësh të shoqërisë civile, zyrtarë qeveritarë, liderë politikë dhe diplomatë për të diskutuar këtë temë të rëndësishme. Synimi ynë është të përmirësojmë mirëkuptimin e ndërsjellë për angazhim në lidhje me Asociacionin, në mbështetje të dialogut ndërmjet Kosovës dhe Serbisë me ndërmjetësimin e Bashkimit Evropian”, thuhet nga selia diplomatike amerikane në Kosovë.
Shtohet se diskutimi është në përputhje me qëllimin e përhershëm të SHBA-së për të avancuar “integrimin e Kosovës në strukturat evropiane dhe euroatlantike dhe si reflektim i miqësisë dhe mbështetjes shumëvjeçare për popullin e Kosovës”.
Më herët të martën, mediat e Prishtinës raportuan për ftesat e një numri zyrtarësh qeveritarë dhe politikanësh për takim. /tesheshi.com/
