Turqia thirri sërish ambasadorin rus në Ankara për të dhënë shpjegime pas shkeljes së dytë të hapësirës ajrore nga avionë rusë, që kryejnë operacione ushtarake në Siri.
Të njëjtin veprim Ankaraja e kishte ndërmarrë edhe në incidentin e parë të shkeljes së hapësirës së saj ajrore nga avionët rusë një ditë më parë. Turqia paralajmëroi se në rast përsëritjeje, Moska ishte përgjegjëse për përshkallëzimin e mundshëm të situatës.
NATO, nga ana e saj, apeloi Rusinë t’i japë fund sulmeve mbi opozitën siriane dhe civilët, edhe pse Moska këmbëngul se po shënjestron Shtetin Islamik dhe militantë të tjerë që sipas saj, janë “terroristë”.
Incidenti i dytë ndodhi në afërsi të Yayladagi-t, në rajonin jugor Hatay.
Me anë të një deklarate të bllokut ushtarak 28 anëtarësh, NATO ku përfshihet edhe Turqia, paralajmëroi për “rrezik ekstrem të një sjelljeje kaq rë papërgjegjshme” dhe kërkoi nga Rusia të ndalë operacionet. Sekretari amerikan i Shtetit, John Kerry tha se Turqia ka të drejtën e saj për të goditur avionët që i shkelin hapësirën ajrore. /tesheshi.com/
