Në internet është shfaqur një foto interesante e vitit 1964 në të cilën tregohen ushtarët britanikë të Marinës Mbretërore nën ndikimin e lëndëve narkotike LSD.
Videoja tronditëse tregon ushtarët që me sa duket kanë halucinacione, duke u ngjitur në pemë në një përpjekje për të ushqyer zogjtë dhe se si qeshin në mënyrë të pakontrolluar, raporton Daily Mail.
Ushtria britanike kreu eksperimente që përfshijnë përdorimin e LSD në dhjetor të vitit 1964 me shpresën se kjo substancë halucinogjene do të shërbejë në një luftë të mundshme për paaftësimin e armikut. Në eksperiment morën pjesë 41 marinarë të marinës, por videoja tregon vetëm 17 prej tyre.
Shkencëtarët u thanë atyre se gjatë tre ditëve ata duhet të bëjnë një manovër ushtarake dhe “të kapin sa më shumë terroristë të jetë e mundur”. Në ditën e parë, ata morën ujë të thjeshtë dhe kryen detyrat normalisht. Megjithatë, ditën e dytë, pa dijeninë e tyre, shkencëtarët vendosën LSD në pije në mëngjes. Kur narkotikët filluan të veprojnë, disiplina filloi të përkeqësohet dhe në vetëm tridhjetë minuta, ushtarët filluan të enden pa ndonjë qëllim nëpër pyll dhe të qeshin për ndonjë arsye të dukshme.
Eprorët nuk mund t’i kontrollonin as të komunikonin me ta.
Një ushtar i urdhëruar për të prerë pemën erdhi në gati në gjysmën e trungut, duke përdorur lopatën e kopshtit, i bindur se po mbante sëpatë në duart e tij.
Acidi Lisergjik Dietilamid, i njohur zakonisht si LSD, ndryshon vetëdijen e njerëzve, zgjon halucinacione dhe i bën njerëzit të mos e njohin vetveten. Në disa, ajo çon në një humor pozitiv, ndërsa në të tjerët ngjall frikë dhe paranojë.
Shërbimi Sekret i Inteligjencës MI6 në vitin 2006 kompensoi ish-ushtarët për eksperimentet që u bënë mbi ta në vitet pesëdhjetë e gjashtëdhjetë, kur ata morën LSD pavarësisht se nuk kishin dhënë pëlqimin. /tesheshi.com/
