Ilmi Umerov, i cili u dënua me burg për komentet që ka bërë rreth aneksimit të Krimesë nga ana e Federatës së Rusisë, thotë se nuk do të kërkojë mëshirë, pavarësisht sëmundjes që është duke vuajtur.
Ai është dënuar me dy vite burg pasi kundërshtoi aneksimin e Krimesë nga Rusia. Por Umerov ka vendosur të mos e apelojë çështjen në Kremlin për mëshirë, pavarësisht se sëmundja që është duke vuajtur i rrezikon jetën duke qëndruar në burg, raporton The Guardian.
“Nuk ka pak shpresë për drejtësi përmes një apeli zyrtar dhe nuk do të bëj asnjë apel për mëshirë,” tha Ilmi Umerov me anë të telefonit nga shtëpia e tij në Krime, duke shtuar se nuk donte t’i lutej shtypësve të tij.
Umerov, i cili u shpall fajtor për “separatizëm” nga një gjykatë në Krime këtë javë, është diagnostikuar me sëmundjen e Parkinsonit të fazës së tretë, ka diabetin e tipit 2 dhe ka pësuar një operacion të zemrës disa vjet më parë.
Avokati i tij, Mark Fejgin, tha se ai është “fizikisht i paaftë” që të përballojë një burgim prej dy vjetësh, duke e quajtur atë “efektivisht një dënim me vdekje”.
Umerovi u gjykua për komentet e tij kundër aneksimit në një stacion televiziv të Tatarëve të Krimesë vitin e kaluar.
Gjykata pretendoi se fjalët e tij përmbanin një thirrje për të ndryshuar kufijtë e Rusisë me forcë. /tesheshi.com/
