Tensioni i ulët i gjakut, i njohur si hipotensioni, është një gjendje në të cilën shtypja e gjakut bie aq poshtë sa të shkaktojë simptome si marramendje, lodhje, dobësi, vjellje, vështirësi në frymëmarrje, turbullim i shikimit dhe lëkurë të lagësht dhe të ftohtë.
Njerëzit me peshë ideale dhe që janë fizikisht aktiv, në përgjithësi kanë një tension më të ulët se ajo që konsiderohet normale, 120/80 mmHg. Por, kjo nuk paraqet ndonjë problem.
Megjithatë, kur vlerat e tensionit të gjakut mbeten vazhdimisht 90/60mmHg, kjo tashmë konsiderohet hipotension. Kur tensioni i gjakut është i ulët mund të shkaktojë rrjedhjen e pamjaftueshme të gjakut në organe të tilla si truri, veshkat dhe zemra.
Tensioni i ulët i gjakut mund të shkaktohet nga gjendje si dehidrimi, pushimi i gjatë në shtrat, mungesa e nutrientëve, zvogëlimi i vëllimit të gjakut, problemet me zemër, shtatzënia, çrregullimet endokrine dhe çrregullimet neurologjike.
Kur kemi të bëjmë me shtypjen e ultë të gjakut, zakonisht rekomandohet të shtohet marrja e kripës dhe lëngjeve. Para se të rritet sasia e kripës, fillimisht duhet konsultuar me mjekun. Gjithashtu duhet ndërprerë përdorimin e alkoolit dhe ushqimet e pasura me karbohidrate, si buka, orizi, pastat dhe patatet.
Trajtimi i duhur për këtë gjendje varet nga shkaku i saktë, por ju mund të provoni disa mjete të thjeshta për të lehtësuar simptomat.
Këto janë disa ilaçe shtëpiake për tensionin e ulët të gjakut.
- Uji me kripë
Uji me kripë ndihmon në trajtimin e presionit të ulët të gjakut për shkak se natriumi në kripë rrit presionin e gjakut. Por nuk bën të teprohet me këtë ilaç, për shkak se të tepruarit me kripë mund të jetë jo i shëndetshëm. Vetëm përziej gjysmë luge e çajit në një gotë me ujë dhe pije.
- Kafja
Një filxhan kafe e fortë, çokollatë të ngrohtë, kola, ose pije tjetër të kafeinizuar po ashtu mund të ngejë përkohësisht shtypjen e gjakut. Nëse vuani shpesh nga shtypja e ulët e gjakut, pini një filxhan kafe në mëngjes, sidomos kur keni të bëjnë me hipotension ortostatik. Por, mos e bëni shprehi për shkak se efektet afatgjate të kafeinës nuk janë të qarta.
- Rrushi i thatë
Rrushi i thatë është ilaç i vjetër që konsiderohet i shkëlqyeshëm për trajtimin e hipotensionit në mënyrë natyrale. Shtoni 30 deri 40 kokrra rrushi të terur në një gotë me ujë gjatë tërë natës. I hani në mëngjes, një nga një në stomak të zbrazur. Mund të pini edhe ujin bashkë me kokrrat e rrushit të terur. Mund të provoni këtë ilaç për disa javë apo një muaj. Ju mund t’i merrni edhe katër deri pesë bajame, 10-15 kokrra rrush të zi pa fara, dhe 15-20 kikirika bashkë me një gotë qumësht.
- Tulsi
Tulsi është i dobishëm për tensionin e ulët të gjakut për shkak se është i pasur me vitaminë C, magnezium, kalium dhe acid pantotenik. Për më tepër, ndihmon në balansimin e mendjes dhe zvoglon stresin.
Përgatit një lëng me 10 deri 15 gjethe të tulsit.
Shto një lugë çaji me mjaltë në të. E pi këtë lëng çdo ditë në stomak të zbrazët. Ju poashtu mund të përtypni pesë gjethe tulsi çdo ditë në mëngjes.
- Rrënja e jamballit
Rrënja e jamballit është edhe një ilaç tjetër popullor që shërben për normalizimin e tensionit të ulët, të shkaktuar nga niveli i lartë i kortizolit. Ajo e bllokon efektin e enzimës që zbërthen kortizolin dhe mbështet funksionin e adrenalinës. Po ashtu është efektiv në trajtimin e sindromës së lodhjes kronike.
Mund të përgatitni çaj jamballi duke hedhur një lugë të kësaj barishteje (të terur ose të pluhur) në një gotë me ujë të vluar për rreth pesë minuta. Mund ta përdorni çdo ditë për disa ditë.
- Bajamet dhe qumështi
Ky është një ilaç tjetër tradicional shtëpiak për tensionin e ulur të gjakut.
- Hidhni 5 bajame në ujë gjatë gjithë natës
- Në mëngjes e heq lëkurën e bajameve dhe i shtyp duke krijuar një pastë të butë prej bajameve
3 .Në fund e zien pastën e bajameve në një gotë qumësht. E pini nga një gotë çdo mëngjes.
- Rozmarinë
Rozmarina besohet se është e dobishme në normalizimin e presionit të ulët të gjakut, sepse ajo stimulon sistemin nervor qendror dhe përmirëson qarkullimin. Merrni deri në 10 ml tretësirë të rozmarinës në ditë. E merrni ose të përgatitur në formë infuzioni ose të hedhur në ushqim.
- Lëng karote
Duke filluar ditën tuaj me lëng të freskët karote të përzier me pak mjaltë është në mënyrë e thjeshtë për trajtimin e presionit të ulët të gjakut.
- Merrni një gotë me lëng karote
- Përzini dy lugë gjelle mjaltë në të
- Pini dy herë në ditë (në bark të zbrazët në mëngjes dhe në mbrëmje)
- Lëng limoni
Lëngu i limonit është shumë efektiv në trajtimin e presionit të lartë të gjakut, por po ashtu mund të përdoret edhe për trajtimin e presionit të ulët të gjakut, veçanërisht kur shkaktohet nga dehidrimi.
Në raste të këtilla, ju mund të pini lëng limoni me pak kripë dhe sheqer.
Një gotë kallamsheqeri të përzier me një lugë çaji lëng limoni dhe kripë është gjithashtu efektive.
Paralelisht me këto ilaçe shtëpiake, bëni stërvitje të lehta për të nxitur qarkullimin tuaj të gjakut.
Gjithashtu konsultoni mjekun tuaj për të parë nëse ndonjë prej ilaçeve të përshkruara në recetë janë duke ju shkaktuar ndonjë problem. /tesheshi.com/
