Ka reaguar menjëherë nënkryetari më i ri i Kuvendit pas deklaratës së kreut të PBDNJ-së, Vangjel Dule, duke theksuar se kreu i PBDNJ-së është i mbushur me urrejtje për çamët. Në një postim në faqen e tij në Facebook, Idrizi shkruan: “Sapo mësova mbi dorëheqjen që Vangjel Dule paska dhënë, sapo ka mësuar emërimin tim në këtë post.
Pa dashje ky Zerv-ist i kohëve moderne ka nxjerrë në pah atë, që i vlon në mendje dhe zëmer, urrejtjen gjaksore ndaj shqiptarëve të Çamërisë, duke shpresuar që historia ta ndale turravrapin e vet këtu e 70 vjet më parë, dhe viktima të vazhdojë të mbetet viktimë, ndërsa agresori të vazhdojë të mbetet agresor e fitimtar i së keqes.
Në inkoshiencën e tij, Vangjel Zerva, shpreson që shovinizmi i huaj të ketë më shumë vlerë dhe të perndjekë e të nënshtrojë shqiptarët autoktonë, duke harruar që vendi i Shqipërisë është përkrah popujve të zhvilluar që respektojnë çdo qenie njerzëore si të barabartë në dinjitet, çdo individ pa dallim feje, race, origjine a bindje politike, shkak për të cilin, Dulja ishte ë ate karrige edhe sot… Ky individ dashakeq e fobik, ndaj gjithë atyre që nuk i përkasin frymës më shoviniste të nacionalizmit të huaj, veçanërisht i errësuar nga urrejtja ndaj popullsise çame, na kujton dhe njëherë të gjithëve që duhet të punojmë për t’i dhënë historisë atë çka meriton. Çështja çame do zgjidhet në përputhje me të gjitha konventat për respektimin e të drejtave të njeriut, do apo nuk do pinjolli i lig i Napoleon Zervës.
Ajo çka ëertetoi edhe njëherë Vangjel Dule është se ai nuk përfaqëson as vëllezërit tanë minoritare e as mentalitetin e shëndetshëm të një pjese të shoqërise greke. Ai përfaqëson idealet e Agimit të Artë, të cilat nuk mund të pranohen kurrë në Shqiperi! Këtë përgjigje do t’ja japë çdo qytetar i këtij vendi, shqiptarët e Çamërise, shqiptarët e çdo treve tjeter, akoma edhe më shumë minoriteti grek në Shqipëri, që nuk ka asnjë lidhje me mentalitetin përjashtues e urryes të këtij individi”.
