Ideja “Kokëdhima” për legalizimin e kanabisit, zgjerohet rrethi i përkrahësve në rradhët e politikës

Një tjetër deputet i majtë i është bashkuar së fundi idesë dhe propozimit të Kokëdhimës për legalizimin e kanabisit, atij mjekësor, që do shërbente për tregun farmaceutik global. Eshtë Vladimir Kosta ai që është shprehur për të përditshmen Shekulli, se legalizimi i kanabisit, pra rikthimi i kultivimit të kësaj bime në Lazarat apo vatra të tjera që tashmë nuk ekzistojnë më pas aksioneve të fuqishme policore, do sillte shumë të ardhura dhe vende pune. Ditë më parë ishte analisti ekonomik Genc Burimi ai që e shtjelloi në terma tregu përfitimin që do kishte ekonomia shqiptare nga legalzimi i kanabisit për industrinë farmaceutike.                                                                                                    Por dhe pse kjo mund jetë diçka tejet pozitive – kur dihet që disa lëndë narkotike vërtet përdoren në industrinë farmaceutike –  ambjenti shqiptar është aq paragjykues e mosbesues, sa rrallëkush mund të mendojë se pas propozimeve të tilla –sidomos kur në qendër të tyre është një emër si Kokëdhima – nuk ekziston asnjë interes tjetër veç atij publik. /tesheshi.com/