Kjo është një histori guximi dhe vendosmërie. Bëhet fjalë për historinë e Erik Weihenmayer, një 46 vjeçar nga Colorado, i cili duket se nuk njeh limite edhe pse është i verbër. Më 22 gushtin e shkuar ai ka ngjitur majën e Marmolada, e cila është mbretëresha e Dolomiteve.
I shoqëruar nga miku i tij, Timmy O’Neill, ngjitës profesionist, dhe i ndjekur nga Manrico Dell’Angola, i cili ka fotografuar ngjarjen, Erik ka ngjitur majën e lartë, i ndihmuar edhe nga shqisat e tij.
Timmy ka qenë një ndihmë e madhe gjatë ngjitjes. “Vije dorën këto, këmbën aty”,- kanë qenë udhëzimet e tij si në ngjitje edhe në zbritje. “Muret e malit ishin të lagështa. Guri ishte shumë i rrëshkitshëm, sikur sapo ishte larë më sapun. Jemi ngjitur me orë të tëra në të fohtë, pa diell. Kjo ka qenë pjesa më e vështirë”,- ka thënë Erik.
“Ai është një mal i lartë dhe i mbushur me histori, si një legjendë dhe të bëhesha pjesë e tij me eksperiencën time, më bën të ndihem krenar”,- shton ai.
Erik Weihenmayer është verbuar në moshën 13 vjeçare për shkak të një sëmundje të retinës, por që prej asaj kohe e deri më sot, as që i ka kaluar nëpër mend ideja që të privohej nga dëshirat dhe kënaqësitë e tij.
Me kohën ka kërkuar të zhvillojë shqisa të tjera dhe falë tyre arrin që tani të ndiejë botën në mënyrë të plotë edhe pse shumë më të ndryshme se njerëzit e tjerë./tesheshi.com/
