Tashmë është zyrtare. Mbi 60% e popullit grek ka votuar “JO”-së në referenduin e sotëm. Ndërkaq qeveria greke ka bërë të ditur se është e gatshme që të negocojë me BE-në brenda 48 orëve me një mandate të ri të marrë nga populli grek.
Kutitë e votimit u mbyllën në orën 18.00 me orën tonë(ora 19.00 në Greqi) ku referendumi është shumë i rëndësishëm për fatin e Greqisë në eurozonë. Pas daljes së rezultatit në sheshin qendror të Athinës kanë dalë për të festuar përkrahësit e partisë së Kryeministrit, Syriza, madje edhe në Spanjë në radhët e Podemos që triumfoi në zgjedhjet lokale.
Të drejtë vote kishin 10 milionë banorë por morën pjesë vetëm mbi 55% e zgjedhësve.
”Rezultati përfundimtar i ”JO”-së për propozimet e kreditorëve, gjatë referendumit të organizuar nga qeveria greke e Aleksis Tsipras, pritet të arrijë në më shumë se 61 për qind”, deklaroi zyrtari i shoqërisë informatike, të ngarkuar me numërimin e votave për Ministrinë e Brendshme.
”Rezultati përfundimtar pritet të kalojë nivelin 61 për qind”, deklaroi Michalis Kariotoglou, zyrtar i shoqërisë ”Singular Logic” gjatë një ndërhyrjeje që prej Ministrisë së Brendshme ku numërimi i votave ka nisur pas mbylljes së votimit në orën lokale 19:00.
Në bazë të 35 për qind të votave të numëruara, ”jo”-ja ka marrë 60,97 për qind të votave, sipas shifrave të Ministrisë të Brendshme greke. Rezultatet përfundimtare priten të dalin në mesnatë./
Ditën e nesërme Kancelarja gjermane Angela Merkel, do të fluturojë në Paris për të diskutuar me Presidentin Hollande mbi të ardhmen e Greqisë në Eurozonë.
/tesheshi.com/
