Një aventurë e pabesueshme kaloi një burrë nga Australia dhe qeni i tij, i cili jetoi për muaj të tërë në Paqësor, duke mbijetuar vetëm nga peshku i papërpunuar dhe uji i shiut.
Tim Saddock, 51 vjeç, dhe qeni i tij, Bella, ishin nisur me katamaranin e tyre në prill nga La Paz, Meksikë për në Polinezinë Franceze, një udhëtim mijëra kilometra përtej Oqeanit Paqësor.
Disa javë më vonë, një stuhi shkatërroi sistemet elektronike të anijes.
Për dy muaj, katamarani u zhvendos nga rrymat e detit dhe erërat. Ai mbijetoi falë aftësive, njohurive dhe një doze të mirë fati.
Ata u panë përfundimisht nga një helikopter që shoqëronte një anije peshkimi ton në brigjet e Meksikës. Saddock i trazuar kujtoi shumë Tom Hanks-in në filmin “Castaway”.
Pamjet pas shpëtimit të tij tregojnë një burrë të dobët me mjekër gri dhe qenin e tij duke tundur bishtin. “Kam nevojë për pushim dhe ushqim të mirë, sepse kam kohë që jam vetëm në det”, tha i humburi.
Ekzaminimi i parë nuk tregoi asnjë lëndim serioz nga sprova. Për shkak se ai ishte vazhdimisht në një vend me hije në varkë, ai gjithashtu arriti të shmangë djegiet. /tesheshi.com/
