Kur Moe, qeni i familjes ndërroi jetë në moshën 13 vjeçare, ai la një dhimbje të thellë tek më i vogli i shtëpisë, tre vjeçari Luke. Fëmija pyeste shpesh të ëmën se ku ndodhej qenushi dhe se kur do të kthehej në shtëpi.
Një ditë Luke i kërkoi të ëmës që ta ndihmonte për t’i shkruar një letër Moes dhe kjo u shndërrua në një lloj rituali për nënë dhe fëmijën. Çdo ditë një letër që Luke dhe nëna e tij Mary shkonin dhe e hidhnin në kutinë postare pranë shtëpisë dhe që më pas nëna shkonte ta hiqte prej andej përpara se të vinte postieri.
Mesazhi ishte gjithmonë i njëjti: “Më mungon! Shpresoj të jesh duke u argëtuar në parajsën e qenve”.
Një ditë, Mary harroi të kthehej për të marrë letrën e dërguar në adresën “Moe Westbrook, Reja Një, Parajsa e qenve”.
“Mendova se dikush në zyrën postare do ta kishte hedhur në kosh”,- shpjegon e ëma, e cila u habit më shumë se i biri kur mori pas një letër në adresë të Luke të firmosur nga Moe. Në të ishte shkruar: “Jam në parajsën e qenve. Luaj gjatë gjithë ditës. Jam i lumtur. Faleminderit që ke qenë shoku im. Të kam xhan Luke”./tesheshi.com/
