Në Teatrin Kombëtar të Operas dhe Baletit u mbajtën homazhe në nder të Margarita Xhepës, një ikonë aktrimit shqiptar në film e teatër, e cila u nda nga jeta mëngjesin e 3 prillit në moshën 92-vjeçare.
I biri i saj. aktori po aq ikonik Ndriçim Xhepa, tha se ëma e mbylli jetën në mënyrën normale, pavarësisht nga disa probleme shëndetësore të vogla.
“Mbylli jetën e saj në mënyrë normale pavarësisht se pati disa probleme shëndetësore këto dy muajt e fundit. Lodhjet e viteve bëjnë të vetën, por ajo kishte një natyrë të çuditshme.
Kishte një dëshirë, një ëndërr se mund të bënte një film tjetër, por them se e mbylli ashtu si desh dhe Zoti. Roli i fundit që bëri në “Bolero në vilën e pleqve” përkoi me jetën ashtu si i erdhi dhe finalja.
Mënyra si po respektohet ka shumë rëndësi: nga njerëz të fushave të ndryshme, nga dhjetra pafund njerëz nga publiku, kënaqësia më e madhe që marrim ne dhe ajo me shpirtin e saj që sot largohet nga kjo botë”. /tesheshi.com/
