Elseid Hysaj po kthehet në një “telenovelë” merkatoje, teksa e vetmja gjë që është e sigurt mbetet largimi nga Empoli.
Napoli dhe Fiorentina e kanë kërkuar me ngulm mbrojtësin e Kombëtares shqiptare, por ofertat e klubeve elitare të Serisë A nuk kanë bindur aspak presidentin e Empolit. Ky i fundit kërkon mbi 5 milionë euro për shitjen e mbrojtësit, por asnjë klub për momentin nuk ka plotësuar dëshirat e Empolit, shkruan Panorama Sport.
Këtë e ka konfirmuar për mediat italiane edhe vetë drejtori sportiv i Empolit, Marcello Karli. “Hysaj do të largohet vetëm për një ofertë të mirë. Në rast se mbërrin një oferte serioze, shoqëria do ta marrë në konsideratë. Hysaj është një lojtar me personalitet dhe shumë i fortë, kështu që klubi kërkon të marrë më të mirën prej tij”, deklaroi dje Karli.
Ëndrra e shkodranit është Interi, por klubet që janë interesuar më shumë për të kanë qenë Napoli, Fiorentina dhe Lacio. Pak ditë më parë thuajse u bë zyrtar transferimi i tij te Napoli, që drejtohet nga ish-trajneri i Empolit, por klubi emilian refuzoi ofertën. Gjithsesi, gjasat më të mëdha janë që Hysaj të firmosë për klubin e De Laurentis. /tesheshi.com/
