Policia portugeze ka rikuperuar trofeun e Champions-it, i cili u vodh nga stadiumi “Jose Alvalade” në Lisbonë, ku do të luhet ndeshja finale midis kampionëve në fuqi të Barcelonës dhe Arsenalit më 24 maj.
Vjedhja ndodhi të dielën gjatë një ndeshjeje të kampionatit portugez midis Sporting Lisbon dhe Vitoria Guimaraes, dhe policia e zbuloi rastin vetëm të nesërmen. Përveç kupës së fituesit, hajdutët morën edhe disa sende me logot e Federatës Evropiane të Futbollit (UEFA).
“Disa persona me kapuçë dhe maska hynë me forcë në bodrumin e stadiumit“, tha policia lokale.
Trembëdhjetë të dyshuar janë identifikuar, megjithatë, policia nuk dha detaje të tjera të operacionit që çoi në rikuperimin e sendeve të vjedhura. Një zëdhënës i policisë i tha AFP-së se trofeu, së bashku me sendet, ishin kthyer në UEFA.
Barcelona dhe Arsenali do të luajnë në finalen e Ligës së Kampionëve, një përballje që do gjykohet nga një femër, gjyqtarja më e mirë kroate, Ivana Martinçiç. /tesheshi.com/
