Në Hungari zhvillohet nesër referendumi mbi planin e BE-së për kuotat e refugjatëve. Referendumi është organizuar nga qeveria e kryeministrit Viktor Orban, një kundërshtues i njohur i hapjes së dyerve për emigrantët.
Referendumi do të vendosë në do ta pranojë Hungaria planin e BE-së për shpërndarjen e barrës së pritjes së emigrantëve nëpërmjet kuotave të detyrueshme.
Si mbështetës i një “jo”-je të madhe, Viktor Orban besohet se do të dalë fitues nga votimi i nesërm, çka do t’i jepte nxitje të mëtejshme politikës së tij kundër emigrantëve.
“A dëshironi që BE-ja të jetë në gjendje të mandatojë risistemimin e detyrueshëm të qytetarëve johungarezë në Hungari edhe pa miratimin e [parlamentit hungarez]?”, do të jetë pyetja së cilës do t’i japin përgjigje tetë milionë votuesit.
I quajtur ndryshe dhe “Viktator”, Orban i ka prerë rrugën hyrjes së emigrantëve në Hungari nëpërmjet rrethimit të kufirit me tela me gjemba. /tesheshi.com/
