Sipas një hulumtimi, më shumë se gjysma e deputetëve kosovare nga 120 sosh që ka gjithsej (20 më pak se në Shqipëri), janë kanë futur gjumit dhe as që ndihen se ekzistojnë. Bëhet fjalë pra për ata që përgjatë të gjithë vitit 2016 nuk kanë ngritur asnjë çështje me interes për komunitetin.
Por dhe në realitet, sipas hulumtimit, shumë prej tyre jo rrallë herë i zë edhe gjumi (ai real pra dhe jo metaforik), dhe krejt çfarë u intereson duket se është vetëm marrja e pagës në fund të muajit.
Më konkretisht, një publikim i bërë së fundmi nga Insituti Demokratik i Kosovës (KDI) tregon se nga 120 deputetë, vetëm 24 prej tyre kanë bërë pyetje gjatë seancave.
Në secilën prej tyre është pika e rendit të ditës “pyetje parlamentare” e cila në bazë të rregullores së Kuvendit zgjat 60 minuta dhe ku secili deputet mund të parashtrojnë deri në dy pyetje brenda një seance.
Dhe hulumtimi i KDI-së konkludon se gjatë këtij viti, 96 deputetë as që janë ndjerë për të bërë ndonjë pyetje.
“Nga 120, 24 deputetë që kanë parashtruar pyetje janë: 11nga PDK, 9 nga LVV, 2 nga LDK dhe nga 1 pyetje SL dhe 6+. Gjithsej janë parashtruar 83 pyetje parlamentare, prej të cilave 45 (54%) kanë marrë përgjigje kurse 38 (46%) janë refuzuar nga anëtarët e kabinetit qeveritar”, thuhet në publikimin e KDI-së.
Po ashtu, sipas monitorimit të KDI-së, pjesa më e madhe e pyetjeve parlamentare janë parashtruar nga opozita, më konkretisht nga LVV-ja, e cila ka parashtruar 41 pyetje parlamentare, pasuar nga PDK-ja me 33 pyetje parlamentare, LDK-ja me 7, SL-ja me 1 dhe 6+ me 1.
Ndryshe, në periudhën e njëjtë të vitit të kaluar janë parashtruar 201 pyetje parlamentare. /tesheshi.com/
