Nga ora 05:00 e mëngjesit të sotëm në Houston është vendosur nga policia kufizimi i lëvizjeve qoftë për automjetet ashtu edhe për grumbullimin e personave në vende publike.
Houston prej disa ditësh është goditur nga uragani “Harvey”, i cili ka shkaktuar dëme të shumta, ku mijëra qytetarë janë detyruar të lënë banesat e tyre.
Por paralelisht me këtë situatë tepër të rëndë, në qytet kanë nisur grabitjet me armë, çka detyroi policinë të marrë masa parandaluese.
Zyrtarët thanë se kufizimi i lëvizjeve në qytetin e katërt më të madh në Shtetet e Bashkuara, do të zbatohet nga ora 05:00 dhe do të vazhdojë pakufizim.
“Ju nuk mund të drejtoni makinën e as të ndaloni në ndonjë vend publik”, tha shefi i policisë në Hjuston, Art Acevedo, duke shtuar se “kemi pasur problem me plaçkitjenga njerëz të armatosur”.
Zyrtarët e Houstonit thonë se po përgatiten për strehimin e përkohshëm të 19 mijë njerëzve, ndërsa Kryqi i Kuq Amerikan, tha se kërkesat e deritanishme janë në 17 mijë.
Policia tha se i ka shpëtuar mbi 13 mijë persona nga vërshimi i ujrave.
Gjatë vizitës në rajonin e përfshirë nga vërshimet gjatë ditës së djeshme, presidenti amerikan, Donald Trump, tha se kjo katastrofë ishte “me përmasa epike”. /tesheshi.com/
