Futbollisti senegalez Sadio Mane po largohet nga Bayern Munich për shkuar te Al-Nassr në Saudi, krah Ronaldos.
Siç raporton gazetari i njohur Fabrizio Romano, Bayern Munich dhe Al-Nassr kanë rënë dakord për transferimin e Sadio Mane, dhe ai nga sezoni i ardhshëm do të ndajë dhomën e zhveshjes me Cristianon në Arabinë Saudite.
Çmimi i transferimit ende nuk është bërë i ditur dhe spekulimet e fundit ishin rreth 37 milionë euro.
Sadio Mane kaloi vetëm një vit në Allianz-Arena, pa shkëlqimin që pati në Premier League me Liverpool.
Për Senegalin e tij, ai ka 97 paraqitje dhe 37 gola, duke qenë golashënuesi më i mirë aty.
Kalimi i tij në tokën saudite ngjan dhe si një “emigrim fetar” i tij(Hixhret në gjuhë islame), pasi si një musliman i devotshëm ai shkon të luajë në tokën e Islamit. /tesheshi.com/
