Top Channel ka publikuar një fakt që mund të konsiderohet historik: atë që BE njeh cështjen çame, siç e thekson dhe në titull, ama ku fjala njohje është në thonjëza.
Referimi është marrë nga një deklarimi i komisionerit Johanes Hahn, i cili, siç thotë lajmi, në një seancë dëgjimore me eurodeputetët, i është përgjigjur disa shqetësimeve të paraqitura nga eurodeputetja greke, Maria Spyraki.
Dhe në përgjigjen e Hahn, ndodhet e artikuluar edhe çështja çame, që do të thotë pra se në organizmat më të larta të Bruskelit, ajo njihet tashmë,
“….marrëdhëniet diplomatike mes dy vendeve janë intensifikuar, gjithashtu edhe dialogu politik është formësuar më të mirë. Komisioni mirëpriti faktin se të dy vendet po diskutojnë krijimin e një mekanizmi të përbashkët, që do të mblidhet në mënyrë periodike, për zgjidhjen e çështjeve të pazgjidhura dypalëshe. Këtu përfshihet përcaktimi i shefit kontinental dhe zonave detare shqiptaro-greke, të drejtat e personave që u përkasin minoriteteve dhe çështjen çame…” – është ky pra një ndër deklarimet e diplomatit të njohur europian, që është përkthyer si njohje e çështjes çame. /tesheshi.com/
