Kreu i PD-së, Lulzim Basha, ka goditur sot me një frazë e cila të kujton atë valë humori të shpërthyer kohë më parë në rrjete sociale me figurën e kreut të demokristianëve shqiptarë, Nard Ndoka, të cilit i viheshin në gojë shprehi gjysëm humoristike dhe gjysëm absurde.
Por nëse në rastin e këtij të fundit ato përbënin dhe një fiction, pra krijime nga fantazia njerëzore, tek rasti i Bashës nuk mund të thuhet e njëjta gjë, vetëm nëse gazetari (ose gazetarja) e televizionit në fjalë që e ka përgatitur lajmin, e ka formuluar gabim atë, duke i faturuar padrejtësisht Bashës një prej thënieve më qesharake në ligjërimin politik shqiptar.
Fraza e kreut demokrat, është shkëputur këtë të enjte gjatë prezantimit prej tij të një programi ekonomik përgatitur nga ekspertët e opozitës, me premisën për ta zbatuar kur të vijnë në pushtet. /tesheshi.com/
