Jup Heynckess e ka nisur me fitore rikthimin si trajner i Bayern Munchen. Gjigandi gjerman mundi me rezultatin tenistik 5-0 skuadrën e Freiburg.
Bavarezët kaluan shumë shpejt në avantazh falë autogolit të Schuster në minutën e 8.
Të pakënaqur me rezultatin, vendasit ushtruan presing në kërkim të golit të dytë dhe vetëm në minutën e 42, Kingsley Coman dyfishon rezultatin.
Edhe në pjesën e dytë të takimit, bavarezët ishin dominues. Ndërkohë në minutën e 62, Var i mohoi Bayernit një penallti të diskutueshme, ndërsa vetëm një minutë më pas Thiago Alcantara realizon dhe golin e tretë.
Në minutën e 75-të, Robert Lewandowski, realizon golin e 4-të, ndërsa në minutat shtesë Joshua Kimmich, shënoi të 5-in.
Kjo është fitorja e parë e Bayern Munchen në 3 ndeshjet e fundit. /tesheshi.com/
