Një deputete e opozitës kosovare, përkatësisht Albulena Haxhiu nga lëvizja Vetëvendosje, akuzoi ambasadorin amerikan se po përkrah të korruptuarit.
Haxhiu reagoi pas deklaratave të Ambasadorit amerikan, i cili ka ritheksoi se Asociacioni i Komunave Serbe është në përputhje me Kushtetutën e Kosovës.
Postimi i plotë
“Ambasadori Greg Delawie sërish paska thënë se Asociacioni është në përputhje me Kushtetutën e Republikës së Kosovës, ani pse Gjykata Kushtetuese ka thënë se plotë 23 nene shkelen me marrëveshjen për “Zajednicën”. Thënë të drejtën nuk jam e sigurt nëse e kemi lexuar të njëjtin aktgjykim, përndryshe nuk ka se si shpjegohet këmbëngulësia e padrejtë e tij!
Ambasadori Delawie poashtu paska thënë se zgjedhjet do të mbahen në vitin 2018. Me siguri se i njëjti është në dijeni se kush i fiton zgjedhjet dhe sa përqindje marrin!!!
Është koha e fundit kur edhe ambasadoret t’i kuptojnë shqetësimet e qytetarëve të Republikës në lidhje me marrëveshjet e dëmshme. Rreshtimi përkrah të korruptuarve e të shantazhuarve (Mustafës dhe Thaçit) nuk i bën nder as Republikës as qytetarëve.
Qytetarët më 9 janar do ta vendosin përcaktimin e tyre!”.
/tesheshi.com/
