Dukej menjëherë tendenca në shkrimin që Koha Jonë e Nikollë Lesit kishte bërë për të sulmuar eurodeputetin gjerman Knut Fleckenstein, i cili erdhi në Tiranë për protestat e opozitës.
Në një artikull të shkruar me pseudonimin e lashtë të Frrok Çupit, L Skiroi, por që tashmë është marrë nga Lesi prej vitesh, botuesi dhe gazetari i njohur e cilëson politikanin gjerman një “kalë troje” që ka ardhur për të prishur protestat e opozitës.
Sipas Lesit, Fleckenstein është një i pashkollë që ka bërë karrierë nga klasa punëtore.
“Vetë zoti Flechkenstein- një aktivist i paepur majtist i Hamburgut në Gjermani, hyri në radhët e politikës së BE dhe PE njësoj siç hynin në radhët e Partisë së Hoxhës ‘aktivistë nga klasa punëtore’. Knut Fleckenstein është një aktivist ambicioz i të majtës, por i pa- shkolluar përfundimisht”, shkruan L Skriroi alias N.Lesi.
Duket se ajo që e ka mërzitur më shumë pronaritn e Koha Jonë, që prej vitesh është një mbështetës i fortë i Metës, është fakti që Fleckenstein ka takuar vetëm PS dhe PD dhe jo LSI-në.
“Reporteri i Parlamentit Europian, Knut Fleckenstein ka vizituar zyrat e dy partive të opozitës: PD dhe LSI. Që nga Brukseli është nisur me vrik, me plot sigurinë e them-, i shtyrë nga detyra e shefave për të mbrojtur qeverinë Rama nga revoltat popullore.
Ose është thërritur nga vetë kryeministri Rama, ose është dërguar nga nëpunës të tjerë të PE sorosianë”, shkruan Lesi.
Në vendet europiane ka mjaft politikanë që nuk kanë diplomë universiteti, pasi ata militojnë politikisht nga puna që ata kryejnë apo aktivizmi vullnetar. Kandidati për kancelar i Gjermanisë dhe kreu i socialdemokratëve, Martin Shultz gjithashtu nuk kishte shkollën e lartë. Politikanët votohen, nuk kalojnë në juri shtetërore… /tesheshi.com/
