Ramush Haradinaj zhvilloi vizitën e tij të parë zyrtare si kryeministër i Kosovës në Tiranë. Ai u prit në një ceremoni zyrtare nga kryeministri Edi Rama, me të cilin dha edhe një konferencë të përbashkët. Më tej axhenda e takimeve vijoi me politikanët më të lartë në vend, përfshirë Presidentin dhe kryeparlamentarin.
Por një takim të veçantë Haradinaj duket se ka pasur me ish-kryeministrin Sali Berisha. Madje duke i shkuar në zyrën e tij, jo vetëm, por me të gjithë pjesëtarët e delegacionit.
Dhe në shtrëngimin e duarve, nuk ka harruar të bëjë edhe një batutë me Berishën.
“Jemi shumë, por të gjithë donin të të takonin”, u shpreh Haradinaj, ndërsa Berisha nuk ka fshehur emocionet e takimit. /tesheshi.com/
