Kryeministri i Kosovës Ramush Haradinaj ka thënë se rritja e taksave për mallrat nga Serbia do të mbetet përgjithmonë, derisa Beogradi të vendosë të njohë pavarësinë e Kosovës.
Haradinaj në konferencën vjetore për shtyp e cilësoi Serbinë si “Rusia e vogël” në Ballkan.
“Nëse Serbia nuk ndryshon, taksat do të mbeten përgjithmonë. Nëse Serbia dëshiron të bjerë dakord për njohjen e ndërsjelltë dhe të punojë sipas standardeve evropiane dhe amerikane në Ballkan, ne do t’i heqim taksat sot. Serbia është një mini-Rusi në Ballkan”, tha Haradinaj.
Ai shtoi se taksat në rritje me 100 për qind nga Serbia dhe Bosnja janë marrë të për të mbrojtur ekonominë e Kosovës.
Duke folur për dialogun, Haradinaj tha se ekipi i Kosovës mori mbështetje nga të gjithë, përfshirë edhe vetë atë.
“Ne kemi krijuar një kornizë për dialog, por ne nuk kemi përfunduar ende”, tha Haradinaj.
I pyetur nëse ai ishte ende kundër idesë së korrigjimit të kufirit, Haradinaj nuk u përgjigj drejtpërdrejt.
Ai tha vetëm se Kosova kishte një ekip të zgjedhur të dialogut që nuk ishte lehtësisht i arritshëm dhe se fokusi i qeverisë së Prishtinës do të ishte në ekonominë në të ardhmen. /tesheshi.com/
