Kryeministri i Kosovës Ramush Haradinaj, ka komentuar deklarimet e fundit të ish-kryetarit të gjyqtarëve të EULEX-it, Malcolm Simmons i cili e cilësoi këtë mision si politik, e jo për promovimin e ligjit, duke thënë se për motive politike ka dashur ta eliminojë nga skena Fatmir Limajn.
Në një intervistë për Politico.eu, kryeministri i vendit ka thënë se nganjëherë ka dyshime për standardet që i përdorë EULEX-i.
“Ka pjesëtarë të EULEX-it që janë të përkushtuar në rend dhe ligj. Por ekziston shqetësimi nganjëherë për kualitetin dhe standardet që përdoren”, tha Haradinaj.
Akuzave të fundit iu është përgjigjur edhe vet EULEX-i gjatë ditës së djeshme, ku u tha se pikërisht Simmons është duke u hetuar.
Ky është skandali i dytë në misionin e EULEX, pas deklaratave të ish-prokurores Maria Bamieh e cila kërkoi që në mision të hetohej, pasi ka gjyqtarë që kanë marrë rryshfet. /tesheshi.com/
