Kryeministri, Ramush Haradinaj pas dërgimit të marrëveshjes së Demarkacionit në Kuvend, ka thënë se ratifikimi i saj është në dorën e deputetëve, ndërsa nuk ka dashur t’i komentojë deklaratat e ambasadorit amerikan Greg Delawie dhe as të partive opozitare.
“Qeveria i nënshtrohet, i jep llogari Parlamentit. Ne e kemi dorëzuar në Parlament. Isha privu prej komenteve. E di që të gjithë po e marrin flamurin në një drejtim të caktuar, janë tema serioze. Seriozisht i kemi trajtu. Parlamenti duhet ta merr seriozisht po ashtu vlerësimin. Deputetët e kanë fjalën”, tha ai.
Ndërkaq ambasadori i Zvicrës në Kosovë, Jean-Hubert Lebet, tha se nuk mund të komentojë rreth këtij procesi, pasi që çështja e Demarkacionit është çështje e brendshme e Kosovës. Megjithatë ai pohoi se shqetësim për ta mbetet numri i madh i kërkesave për viza, nga qytetarët kosovarë, ndërsa tha se shpreson që të bëhet një zgjidhje, që Kosova të marrë në mënyrë të shpejtë liberalizimin. /tesheshi.com/
