Dy partitë opozitare AAK e NISMA për Kosovën siç duket janë tërhequr nga kërkesa e tyre e vazhdueshme, që qeveria “Mustafa” të dorëhiqet.
Ramush Haradinaj dhe Fatmir Limaj siç duket janë dorëzuar përballë pushtetit, pasi në një konferencë për media të mbajtur sot në zyret e AAK-së, çuditërisht nuk kërkuan dorëheqjen e qeverisë aktuale, por kërkuan që ajo të fokusohet në sundimin e ligjit dhe tema të tjera të rëndësishme për vendin.
Kryetari i AAK-së tha se qeveria nuk duhet të vazhdojë me eksperimente, por ajo duhet të drejtohet kah rendi dhe ligji, lufta kundër korrupsionit dhe zhvillimit ekonomik dhe që vendi të bëhet me ushtri.
“Pas një kohe peng që kanë mbajtur Kosovën kërkojmë që më tutje të mos eksperimentojnë, por të vazhdojnë të punojnë të punojnë me ligj në vend dhe në luftimin e korrupsionit”, tha ai.
Pak më i rreptë u shpreh kryetari i NISMA-s, Fatmir Limaj i cili vlerësoi se qeveria aktuale ka dështuar, duke thënë se është koha që të ndryshohet qasja ndaj vendit.
“Besoj koha është të ndryshojmë qasje ndaj vendit. Kosova vazhdon të mbetet me punë nën zero. Probleme të shumta dhe kjo dëshmon se kjo qeveri ka dështuar”, tha ai.
Limaj, tha se me angazhimin e opozitës do të arrihet që të ndryshohet situata në vend./tesheshi.com/
