Në Tiranë është hapur muzeu më ri, një tip BunkArt 3, “Shtëpia e Gjetheve”, e cila në kohën e komunizmit ka qenë godina nga ku Sigurimi i Shtetit kishte instaluar sistemin e hetimit të kundërshtarëve politikë dhe përgjimit të shqiptarëve. Për kryeministrin Rama, aty fshihet një thesar i kujtesës kolektive.
“Nga Bunkart 1 dhe Bunkart 2 deri sot tek ky muze, për nga gjithë procesi, nga përfshirja e njerëzve që i dhanë jetë dhe nga muzeografia si themel i punës së bërë, është pa dyshim guri më i çmuar i kurorës. Ky muze është një thesar që na jep mundësi të zbulojmë pjesë të tjera të këtij mozaiku që mbeten për të zbuluar me ngjarje, personazhe, lidhjen e shtetit me njerëzit, periudhave, që janë deri këtu sot të mbuluara nga pluhuri i harresës”, theksoi ai.
Godina, e njohur si “Shtëpia e Gjetheve” është ndërtuar në vitin 1931 dhe fillimisht ka patur funksionin e një klinike. Gjatë luftës së Dytë Botërore, nën pushtimin gjerman ajo i përkiste Gestapo-s; dhe më pas, pas ardhjes në pushtet të komunistëve u shndërrua u bë një qendër e Sigurimit, ose ndryshe Policia politike, duke u shfrytëzuar për hetime. Nga viti 1950 e deri në ‘90-ën, aty u bë zyra qëndrore e seksionit teknik dhe shkencor të Sigurimit të Shtetit. /tesheshi.com/
