Sezoni i mbjelljes së patateve po afron, por shumë fermerë holandezë po përballen me një problem të madh pasi miliona kilogramë patate kanë mbetur në magazinë që nga sezoni i kaluar për shkak të epidemisë së virusit koronar.
Restorantet në Hollandë, shumë prej të cilave shërbejnë patate të skuqura, janë mbyllur që nga mesi i marsit, dhe një ndalim i shërbimit të tyre u vendos deri në 1 qershor. Me mbylljen e tyre, tregu i patates u shemb brenda natës.
“Ky është një vit dramatik, dhe askush nuk mund ta parashikonte këtë zhvillim,” tha Dirk de Heer, i cili jeton në fermën Beemster në Hollandën veriore.
Prodhimi i patateve për konsum në Hollandë është afërsisht katër milion ton, me një të katërtën që eksportohet.
Organizata bujqësore në Hollandë – LTO vlerësoi dëmet e shkaktuara nga epidemia e COVID – 19 në rreth 6 miliardë euro, duke përmendur se industria e prodhimit të luleve gjithashtu ishte prekur rëndë. /tesheshi.com/
