Autoritetet turke arrestuan mbesën e klerikut të diskutueshëm Fetullah Gulen.
Fjala është për Sumeja Gulen, e cila po tentonte të kalonte ilegalisht kufirin për në Greqi.
Kjo u bë me dije nga Ministria turke e Mbrojtjes, e cila njoftoi arrestimin e 10 personave që tentonin të kalonin ilegalisht në Greqi. Pesë prej të arrestuarve konsiderohen anëtarë të FETO-s, mes tyre dhe mbesa e Gulenit.
Siç dihet, Ankaraja e akuzon atë dhe organizatën e tij mbi ideim të një grushti shteti në korrik të 2016-ës. Gulen jeton në SHBA dhe njihet për një rrjet besnikësh dhe ithtarësh, të cilët e kanë okultizmin(fshehtësinë) praktike pune dhe veprimi. Ata menaxhojnë institucione arsimore e spitalore, si dhe biznese te shumta, me qarkullim marramandës parash.
Në planin fetar, nga mendimi i pastër islam janë tejet të diskutueshëm. Me natyrë sektare, ato janë herëpashere nën kritika mendimi teologjik edhe për këtë arsye, sektarizimin. /tesheshi.com/
