Ndërkohë që të gjithë institucionet e Kosovës dhe partitë politike e kanë dënuar sulmin me granadë dore ndaj RTK-së, policia nuk ka ende version zyrtar mbi autorët e sulmit.
Ndërkaq, Radio televizioni i Kosovës bën me dije se i ka mbërritur një email nga një organizatë fatmazmë që merr përsipër granatimin.
“Policia është duke punuar në analizimin e të gjitha fakteve dhe dëshmive relevante, duke përfshirë kamerat e sigurisë, me qëllim të zbardhjes sa më parë të këtij rasti dhe sjelljen para organeve të drejtësisë së kryerësit/ve të këtij rasti.
Njëkohësisht Policia e Kosovës fton të gjithë personat apo qytetarët të cilët posedojnë ndonjë informacion lidhur me rastin të njoftojnë Policinë e Kosovës”, thuhet në deklaratën e policisë.
Ndërkaq, RTK thekson se ka mbërritur një email anonim të cilën e ka botuar të plotë.
MBREM E SULMUAM RTK-NE ME GRANAT DORE. ARSYET PER KETE SULM JANE SI ME POSHT:
- RTKJA NUK NA E QITI NJOFTIMIN QE NE E KISHIM SULMUE SHPINE E MURAT MEHS PARA DISA DITVE.
- RTKJA PER CDO DIT PO QET VEC LAJME PRO DEMARKACION DHE PRO QEVERI. RTK-JA ASHT RRESHTU NE ANEN E QEVERIS QE PO i SHET BJESHKET TONA.
I BAJM THIRRJE KREJT GAZETARVE ME E MBROJT TOKEN E KOSOVES DUKE E KALLXU REALITETIN E JO ME i QIT HI SYVE TE POPULLIT TONE.
NESE QEVERIJA NUK NALET SULMET TONA KANE ME U ASHPERSU PERHERE MA SHUME”
Qeveria e Kosovës, përmes një njoftimi për media, dënoi ashpër sulmin me mjet shpërthyes ndaj Radio Televizionit të Kosovës (RTK).
Ekzekutivi kosovar e cilësoi sulmin si agresion ndaj fjalës së lirë dhe ndaj të gjitha mediave në Kosovë. Qeveria i kërkoi organeve përkatëse që të zbardhin rastin dhe të vënë para drejtësisë autorët e tij.
/tesheshi.com/
