Përkundër dështimit të ndeshjes miqësore të cilën Kosova kishte në plan ta luante ndaj Burkina Fasos, Albert Bunjaki ka grumbulluar lojtarët që ishin të ftuar në atë takim. Me disa mungesë, por me shumë emra të njohur e perspektivë, Përfaqësuesja e Kosovës tashmë ka mbajtur stërvitjen e parë në stadiumin “Agron Rama” në Obliq.
Megjithatë, do ketë një ndeshje miqësore. Jo ndaj ndonjë përfaqësuese por mes skuadrës. Kështu ka paralajmëruar selektori i Kosovës Albert Bunjaki në konferencën për shtyp nga dhe ku konfirmoi grupin e lojtarëve të ardhur.
“Është dashur të zhvillojmë një ndeshje miqësore ndaj Burkina Fasos, për çka dhe i kam ftuar futbollistët. Por, tashmë e dini rrethanat që kanë ndikuar në anulimin e asaj ndeshje. Sjelljet e tyre nuk ishin aspak korrekte në raport me ne, kështu që ne vendosëm të bëjmë një tubim dhe ta shfrytëzojmë këtë tubim për çështje të zhvillimit të brendshëm”, theksoi Bunjaki.
Të mërkurën pritet zhvillimi i ndeshjes kontrolluese mes grupit të lojtarëve të ftuar. /tesheshi.com/
