David De Gea përfundimisht do të mbetet në Manchester United. Transferimi i tij te Real Madrid ka dështuar në çastet e fundit. Shkak për këtë është bërë mosdorëzimi i dokumenteve në kohë edhe pse klubi madrilien kishte insituar se çdo gjë ishte në limite. Kështu, saga e transferimit të portierit spanjoll drejt gjigantit spanjoll merr fund, por që lë shumë persona të zhgënjyer.
Gjithçka kishte përfunduar dhe vetëm pritej zyrtarizimi. Por, në momentet e fundit Federata e Futbollit Spanjoll ka deklaruar se dokumentacionin të cilin e ka dërguar klubi Real Madridi ka ardhur jashtë limiteve të merkatos, saktësisht në ora 00:01. Ndërkohë, që klubi madrilien ka insistuar se dokumentet ishin dorëzuar në ora 23:59, por LFP e mbylli debatin duke vendosur se dorëzimi është bërë pas kohës së parashikuar të mbylljes së merkatos.
Një telenovelë të tillë nuk mbahet mend të ketë ndodhur, deri sa shumë persona mbetën të zhgënjyer e sidomos vetë protagonisti De Gea që tani e disa muaj nuk po stërvitet me Manchester United dhe ishte me një këmbë jashtë nga Old Traford.
Tani, De Gea duhet të gjejë zgjidhjen për t’i përmirësuar marrëdhëniet me trajnerin Luis van Gaal nëse dëshiron të luajë, ndërkohë Real Madrid duhet të llogarisë në shërbimet e portierit Kaylor Navas. /tesheshi.com/
