Kryeministri Nikolla Gruevski dorëzoi në Parlament, propozim për zgjedhjen e dy anëtarëve të rinj në Qeveri. Propozohen ministra të ri në Ministrinë e Punëve të Brendshme dhe në Ministrinë e Transportit dhe Lidhjeve.
Si ministër i ri i Punëve të Brendshme propozohet Mitko Çavkov, ndërsa për ministër të Transportit dhe Lidhjeve Vllado Misajlovski.
Çavkov është drejtor aktual në Zyrën për Siguri Publike, ndërsa Misajlovski është drejtor në Ndërmarrjen Publike për Rrugë Shtetërore.
Kryetari i Kuvendit Trajko Veljanovski seancën për zgjedhjen e anëtarëve të rinj të Qeverisë e caktoi për nesër në orën 13:00.
BDI do të mbetet në Qeveri dhe asnjë nga ministrat e kësaj partie nuk do të japin dorëheqje.
Ky lajm i rrufeshëm ka pasuar pas publikimit të lajmeve në disa portale se edhe ministra të BDI-së dhe më në fund edhe kjo parti do të tërhiqet nga Qeveria.
