Një gjenocid i qartë vijon në Gaza, artikuluar tashmë dhe nga segmente të politikës perëndimore. Që nga sulmi i Hamasit në jug të Izraelit më 7 tetor 2023, një shteti ndërtuar kriminalisht në tokë palestineze, më shumë se 50,000 palestinezë, kryesisht gra dhe fëmijë, janë vrarë në sulmet ajrore të pamëshirshme nga ushtria izraelite, ndërsa gati një milion njerëz janë bllokuar në enklavën e Gazës pa ndihmë humanitare, ilaçe dhe të drejta themelore të njeriut.
Edhe pse shoqëria izraelite është thellësisht e ndarë në mendimin e saj për Palestinën, madje edhe në një nivel historik ku shumë breza izraelitësh ende nuk dinë për masakrat dhe gjenocidet që kanë ndodhur më parë, që nga viti 1948 kur u krijua shteti sionist hebre, ekziston edhe përçarje në kontekstin e justifikimit të luftës së sotme dhe masave kundër palestinezëve si në enklavë ashtu edhe brenda Izraelit.
Gjatë një reportazhi të saj në Izrael, BBC intervistoi gjithashtu drejtuesen e shoqatës “Rruga drejt Rimëkëmbjes”, e cila transporton palestinezë të sëmurë për në kontrollet spitalore në Izrael.
Yael Noy dëgjon thirrje çdo ditë nga familje të frikësuara dhe të dëshpëruara në Gaza, të cilat i ndihmonte dhe para luftës.
Sot ajo thotë se vjen turp të pohojë se është izraelite.
“Ju lutem botë, ju lutem ndihmoni ta ndaloni këtë luftë tani. Po zhvillohet në emrin tim. Dua të jem një njeri i mirë. Por taksat e mia po shpenzohen për një luftë ku janë vrarë mijëra fëmijë. Tani po kryejmë gjenocid. Dhe nuk mund të flas për këtë në Izrael”, thotë ajo.
“Ne duhet ta ndalojmë luftën, të kthejmë pengjet dhe të shpëtojmë ushtarët tanë dhe qytetarët e tyre“, tha ajo, duke shtuar se frika e saj më e madhe ishte se djali i saj do të merrte pjesë në një “luftë të tmerrshme dhe amorale”. /tesheshi.com/
