Një grevë e 60 punonjësve të Kontrollit të Trafikut Ajror në Rinas, është parë si me prapavijë politike nga qeveria.
Kjo u potencua si ministrja Balluku e si nga kryeministri Rama.
Sipas tyre, greva çoi në bllokimin e trafikut ajror, e kësisoj në mosardhjen e një sasie vaksinash.
“Sabotimi i rëndë i aktivitetit të Aeroportit ‘Nënë Tereza’ nuk do të tolerohet! Frymëzuesit e kësaj lëvizjeje të çartur çartiste, Saliu që gjuan me gurë digjitalë dhe Iliri, që hedh gurin e markës ‘Leshko’ dhe fsheh dorën, duan mbylljen e aeroportit për të mos ardhur vaksinat!
Organizatorët do të kallzohen penalisht dhe do të përballen me ligjin, që ndalon rreptësisht ndërprerjen e aktivitetit të kullës nga ana e kontrollorëve!
Të tjerët duhet të vendosin menjëherë: O me shtetin në punë, o me antishtetin në një proces penal për cënim të sigurisë kombëtare!”, shkruan Rama.
Ndërsa për Balluku, ky është deri “një grusht shteti” ku janë të përfshirë ish- kryeministri Sali Berisha dhe presidenti Ilir Meta.
Ajo u shpreh se për shkak të pandemisë, trafiku ajror është ulur dhe paga e tyre nga 4400 dollarë në vitin 2019, ka rënë në 2490 dollarë.
Kam ndjekur Berishën që thotë do bllokohet aeroporti i vetëm, kolaps etj, po a e dini se sot nuk vijnë vaksinat për shkak të kësaj situate, shkak i kësaj fushate brenda fushate, po afektohet. Do i kërkoja Metës se edhe ai i ka takuar kontrollorët edhe ka kërkuar informacion nga Albcontrol, dhe ia ka dërguar Presidentit, që të shprehet sot publikisht për këtë situatë.
A mundet shteti të kompensojë kontrollorët kur nuk ka pasur kurrë involvim financiar, a mundet sot shteti, Meta i ka të gjitha të dhënat, i ka edhe pagat para 2020, edhe sot. A mundet shteti të kapet peng nga një grup njerëzish që të kërkojnë të marrin 15 rroga sa ç’merr një shqiptar? 4 mijë e 400 dollarë, për një person, do të ishin njësoj sa 14 shqiptarë”, theksoi Balluku.
Ministrja shtoi se trafiku ka rënë me 57% dhe kontrollorët janë paguar me 43%, në bazë të trafikut ajror. Kjo sepse shkak për grevën u bë kjo ulje pagash.
Por Ballku tha se kontrollorët kanë përveç pagave të larta edhe privilegje të tjera, si fakti që punojnë vetëm 17 ditë në muaj, apo 205 ditë në vit. /tesheshi.com/
