Dy shqiptarë kanë mbetur të plagosur si pasojë e një konflikti mes dy bandave, ngjarje e ndodhur në Athinë, pak pas mesnatës.
Mediat greke raportojnë se sherri ka ndodhur mes bandave që trafikojnë drogë në lagjen Kalithea, ndërsa janë përdorur edhe armët.
Grupi rival qëlloi në drejtim të atij që përbëhej nga shqiptarë, duke lënë të plagosur dy persona. Ata po mjekohen dhe janë jashtë rrezikut për jetën bëjnë me dije mediat nga vendi fqinj.
Mediat greke shkruajnë se dy të plagosurit janë shqiptarë të moshës 17 dhe 27 vjeç të cilët janë dërguar në spital.
17 vjeçari është plagosur në këmbë dhe në bark ndërsa 27 vjeçari në dorë, shkruan sot ekathimerini.gr, duke cituar policinë, e cila në vendin e ngjarjes gjeti 6 gëzhoja. /tesheshi.com/
