E keqja nuk ka përfunduar akoma për rojet private të cilëve iu rrëmbyen 2 milion euro, në një ngjarje të pazakontë ndodhur tre ditë më parë në aksin Qafë e Kasharit – Rinas.
Gjykata e Tiranës i la në burg të gjithë, duke nisur që me Fatmir Gapin, personin përgjegjës për blindimin e mjeteve.
Të tjerët pas tij për të cilët u dha vendimi “arrest me burg” janë: Endrit Daçi, Gentian Dedja, Përparim Logu, Xhemil Metaj dhe Dashamir Balla. Të gjithë këta u sfiduan pa asnjë problem nga grabitësit, edhe pse quheshin policë, ndonëse privatë.
Ndërkohë, për të qenë në gjumë të grabitësve as që bëhet fjalë. Të paktën zyrtarisht nuk thuhet asgjë. Pasi morrën thasët më valutë, të ndjekur nga dhjetra sy kurreshtarësh, më shumë të këndellur për ta fiksuar atë lloj filmi real në celularë sesa për t’i telefonuar policisë, ata u futën në fshatrat e zonës duke i djegur automjetet e zhdukur pa lënë gjurmë.
Nëse dhe kjo ngjarje nuk zbardhet e autorët të vihen në pranga, policia e Saimir Tahirit do shënojë sërish një rekord negativ, pas të cilit sondazhet që e nxjerrin atë si strukturën më të besueshme, do jenë thjesht qesharake. /tesheshi.com/
