Danimarka pret të investojë 40 miliardë korona (5.47 miliardë dollarë) në anije të reja luftarake për të forcuar sigurinë e saj detare pas fillimit të luftës në Ukrainë, tha Ministria e Mbrojtjes.
Ky anëtar i Aleancës Veriatlantike bën të ditur se kjo është vetëm një pjesë e investimeve që do të realizohen në 20 deri në 25 vitet e ardhshme, transmeton Reuters.
“Një partneritet me industrinë detare është nisur për të zhvilluar dhe ndërtuar anije të reja luftarake në Danimarkë,” tha Ministri i Mbrojtjes Morten Bodskov.
Ai shtoi se siguria e furnizimit luan një rol vendimtar këtu.
“Me sulmin rus në Ukrainë dhe situatën e re të sigurisë në Evropë, është më e rëndësishme se kurrë që Danimarka të jetë në gjendje të mbrohet”, tha Bodskov.
Anëtarët e NATO-s janë zotuar të rrisin gradualisht shpenzimet e mbrojtjes në dy për qind të prodhimit të brendshëm bruto (PBB) deri në vitin 2033. /tesheshi.com/
